C-Connect — hisobni va ma'lumotlarni o'chirish

Ilova: C-Connect (C-Space kovorkingi rezidentlari uchun) · Operator: C-Space

C-Connect hisobini C-Space xodimlari ochadi (yoki reception kirish arizasini tasdiqlaydi).

Eng tez yo'l — ilovaning o'zida: C-Connect ilovasi yoki saytiga kiring → Hisob → Hisobni o'chirish → tasdiqlang. Hisob darhol o'chadi. Kelgusi broningiz receptionda to'langan bo'lsa, avval receptionga murojaat qiling — pul qaytarilgach o'chirish mumkin bo'ladi.

Ilovaga kira olmasangiz, quyidagi ikki yo'ldan birini tanlang — hisobni C-Space xodimi admin panelda o'chiradi.

1-yo'l: xat yuborish

info@cspace.uz manziliga xat yuboring. Xatda quyidagilar bo'lsin:

• mavzu: Hisobni o'chirish;
• ilovaga kiradigan email manzilingiz;
• ism-familiyangiz;
• qaysi filialda rezident ekaningiz.

So'rovni ilovaga kiradigan email manzilingizdan yuboring. Boshqa manzildan kelgan so'rovda shaxsingizni qo'shimcha tasdiqlashimiz kerak bo'ladi.

2-yo'l: receptionga murojaat

Istalgan C-Space filialiga borib, reception xodimiga hisobingizni o'chirishni ayting.

Qancha vaqt oladi

Ilovadagi tugma orqali — darhol. Xat yoki reception orqali kelgan so'rovni 30 kun ichida bajaramiz va natijani emailingizga xabar qilamiz.

Nima o'chiriladi

O'chiriladi:

• profil ma'lumotlari: ism, email, telefon, o'zingiz haqingizdagi matn;
• kirish sessiyalari va qurilmalardagi kirish;
• kelgusidagi bronlaringiz bekor qilinadi. Agar kelgusi bron uchun receptionda pul to'lagan bo'lsangiz, reception avval pulni qaytaradi va bronni bekor qiladi, keyin hisob o'chiriladi.

Saqlanib qoladi:

• moliyaviy yozuvlar: to'lovlar, kredit qo'shilishi va sarflanishi. Ular O'zbekiston Respublikasining buxgalteriya hisobi va soliq qonunchiligida belgilangan muddat davomida, ism o'rniga ichki raqam bilan saqlanadi;
• o'tgan bronlar tarixi — xonaning bandligi tarixi sifatida, shaxsingizni ko'rsatmasdan;
• bazaning shifrlangan zaxira nusxalari — ular ko'pi bilan 12 oy saqlanadi, keyin avtomatik o'chiriladi va faqat tizimni avariyadan tiklash uchun ishlatiladi.

Kreditlar

Hisob o'chirilganda hamyondagi ishlatilmagan shaxsiy kreditlar bekor bo'ladi. Ular pulga qaytarilmaydi. Shuning uchun o'chirishdan oldin kreditlaringizni ishlating yoki reception bilan maslahatlashing.

Kompaniya hisobi

Siz kompaniya a'zosi bo'lsangiz, kompaniya hamyonidagi kreditlar kompaniyaniki bo'lib qoladi — ular sizning hisobingiz bilan birga o'chirilmaydi.

Savollar uchun: info@cspace.uz yoki istalgan filial receptioni. Maxfiylik siyosati · Foydalanish shartlari